АНУ, МОНГОЛ УЛСЫН ХАМТЫН АЖИЛЛАГААГ БЭХЖҮҮЛЭХ ТУХАЙ ТУНХАГЛАЛ
Удиртгал
Америкийн Нэгдсэн Улсын Засгийн газар, Монгол Улсын Засгийн газар (цаашид АНУ, Монгол Улс гэх):
АНУ, Монгол Улс хооронд хүмүүсийн хувьд олон жилийн уламжлалт найрамдалт харилцаа, нийтлэг үнэт зүйл, ашиг сонирхолд тулгуурласан тохиромжтой харилцаатай байгааг дахин баталгаажуулж;
АНУ, Монгол Улс хоорондын найрамдалт харилцаа, хамтын ажиллагааг өргөтгөх, хөгжүүлэх нь хоёр улсын ашиг сонирхолтой бүрэн нийцэж, бүс нутагт энх тайван, тогтвортой байдал, эрх чөлөө, ардчилал, хөгжил цэцэглэлтэд хувь нэмэр оруулна гэдэгт итгэн;
Өргөн хүрээт, тогтвортой эдийн засгийн өсөлт, нээлттэй зах зээл, худалдаа, хөрөнгө оруулалтаар дамжуулан хоёр улсын эдийн засгийн хөгжил цэцэглэлт, аюулгүй байдлыг дэмжихийг хүсэн;
Олон улсын энх тайван, аюулгүй байдалд заналхийлж буй терроризмыг устгахын төлөөх амлалтаа дахин баталгаажуулж, дэлхий даяар олон улсын энхийн дэмжлэгийн хүчин чармайлтуудыг үр дүнтэй болгох;
2005 оны 11 сарын 21-ний Хамтарсан Мэдэгдэлд тусгасан “хоёр ардчилсан улсын дундын үнэт зүйл, ерөнхий стратегийн ашиг сонирхолд тулгуурласан иж бүрэн түншлэлийн чиг шугам, цар хүрээг тодорхойлох” тухай хоёр улсын Ерөнхийлөгчийн илэрхийлсэн санааг үндэслэн:
Дараах ойлголцолд хүрэв:
Хамтын ажиллагааны зарчмууд
Энэхүү түншлэл нь дараах нийтлэг зарчим, итгэл үнэмшилд тулгуурласан өргөн хүрээт хамтын ажиллагааг зорилго болгоно:
- Хүний эрх, хууль дээдлэх, ил тод байдал зэрэг ардчилсан үнэт зүйлсэд тууштай, динамик хувийн хэвшил тэргүүлсэн зах зээлийн эдийн засагтай хатуу ардчилсан улсууд бол хамгийн сайн түншүүд юм.
- Худалдааны харилцааг бэхжүүлэх нь хоёр талын харилцааг өргөтгөхөд чухал ач холбогдолтой бөгөөд нээлттэй хөрөнгө оруулалтын орчинг бий болгох, худалдаа, хөрөнгө оруулалтын саадыг бууруулах, арилгах арга хэмжээнүүд нь энэ үйл явцын гол түлхүүр юм.
- Хоёр болон олон талын аюулгүй байдал, тогтвортой үйл ажиллагаанд оролцох нь олон улсын энхийн ажиллагаа болон хүмүүнлэгийн тусламж хүргэх, гамшгийн үед туслалцаа үзүүлэх ажилд боловсон хүчин, тоног төхөөрөмжийн нийцтэй ажиллагааны түлхүүр юм.
- Хоёр улсын иргэдийн хөдөлгөөн, бизнес, сурлагын нөхцөл байдлыг сайжруулах, аюулгүй байдал, хамтын ажиллагааны талаар идэвхтэй, үр дүнтэй яриа хэлэлцээ хийх, виз шаардлага хэлэлцэх нь хоёр улсын ард түмний хооронд харилцааг бэхжүүлэхэд чухал ач холбогдолтой.
- Хоёр болон олон улсын ижил үзэл бодолтой улсуудын хамтын ажиллагаа нь терроризм, олон улсын гэмт хэрэг, өвчний тархалт, олон улсын устгалт зэвсгийн тархалттай тэмцэхэд чухал юм.
Эдгээр зарчмын дагуу хоёр Засгийн газар улс төр, эдийн засаг, худалдаа, хөрөнгө оруулалт, боловсрол, соёл, шинжлэх ухаан, технологи, байгаль орчин, эрүүл мэнд, батлан хамгаалах, аюулгүй байдал, хүмүүнлэгийн чиглэлээр урт хугацааны хамтын ажиллагаагаа баталгаажуулсан амлалтаа баталгаажуулав.
Вашингтон хотноо, 2007 оны 10 сарын 23-нд
Англи, Монгол хоёр хэлээр гарын үсэг зурав
